Cuireann Gaeltacht an Oileáin Úir cuireadh arís oraibhse go Féile an tSneachta. Is soiléir dúinn dúthracht phobal Ghaeltacht an Oileáin Úir mar a chéile leis an bhfás is fóras atá ar dhaoine agus tuilleadh deiseanna chun cainte le fáil dóibh. Is amhlaidh go bhfuilimíd bródúil chun deis eile a chur ar bun daoibh.

Feabhra 2023

Bígí linn arís i gcaitheamh dhá dheireadh seachtaine (18-19 & 25-26 Feabhra 2023) agus cuirigí snas ar bhur gcuid! Le ranganna Gaeilge gach lá agus ceardlanna cultúrtha, beidh iomaí deiseanna chun caint is comhrá a dhéanamh in atmaisféar a thabharfaidh seans d’fhoghlaimeoirí a gcuid scileanna teangan a chleachtadh taobh lasmuigh don seomra ranga.

Is uain fé leith í seo ríomhfhoghlaim tumthach a fháil, le ranganna agus ceardlann/imeacht gach lá trí físghlaoch fíorúil. Nach iontach an deis chun éispéireas na gaeltachta a bheith agat pé áit ina bhfuil tú lonnaithe! Glac páirt agus buail le Gaeil eile a thagann le chéile go fíorúil is fisicúil ár dteanga a choinneál mar theanga poiblí eadrainn, go beo bríomhar.

Clár laethúil Sath-Domh (ET)

10:00 rn - 12:30 in: Ranganna Gaeilge

12:30 in - 1:30 in: Lón

1:30 in - 3:00 in: Ceardlann (Satharn), Imeacht Sóisialta (Domhnach)

3:00 in - 4:00 in: Uair an tSonais (Físghlaoch Oscailte)

Leibhéil Teagaisc

Leibhéal 1 (TEG A1): Faigh na bunscileanna

Leibhéal 2 (TEG A2): Cuir feabhas ar do chumas labhartha agus ar d’eolas gramadaí

Leibhéal 3 (TEG B1): Cuir feabhas ar do chuid líofachta agus ar do stór focal

Leibhéal 4 (TEG B2): Cuir snas ar do bhlas is do líofacht

Leibhéal 5 (TEG C): Labhair le cainteoirí líofa eile agus obair ar mhionsonraí na teangan

Faigh tuilleadh eolais maidir leis na leibhéil

Táillí

Pacáiste slán: $85

Costas dalta (as ollscoil aitheanta): $35

Bíonn ráta chruatan airgeadais le fáil

Clárú ar líne

Aon ceist, info@gaeilge.ca